শ্ৰৱণবেলাগোলা ভ্ৰমণৰ অভিজ্ঞতা

English Version

২০০৬ চনৰ এপ্ৰিল মাহ, আমি Mysore ৰ পৰা শ্ৰৱণবেলাগোলা নামৰ ঠাই খন অভিমুখে যাত্ৰা কৰিছো।

It's April 2006, we are heading for Shravanabelagola, a small town and a Jain sacred place, around 85 kms from Mysore.
The place is famous for it's 1000 year old, 57 feet Lord Gommateshwara Bahubali statue, which is one of the tallest monolithic statues carved out of a single granite, in the world.

শ্ৰৱণবেলাগোলা দক্ষিণ ভাৰতৰ Mysore ৰ পৰা প্ৰায় ৮৫ কি.মি. দূৰত অৱস্থিত এখন সৰু চহৰ। ঠাইখন ইয়াত থকা জৈন ধৰ্মৰ ভগৱান Gommateshwara Bahubali মূৰ্ত্তিৰ বাবে বিখ্যাত। ৫৭ ফুট্ ওখ, ১০০০ বছৰ পুৰণি এই মূৰ্ত্তিটো এটা প্ৰকান্ড গ্ৰেনাইট (granite) শিলৰ পৰা কাটি কাটি বনোৱা, পৃথিৱীৰ আটাইতকৈ ওখ মূৰ্ত্তিবিলাকৰ ভিতৰত অন্যতম।

Lord Gommateshwara Bahubali statue

এই মূৰ্ত্তিটো বিন্ধ্যাগিৰি পৰ্বতত অৱস্থিত। পাহাৰৰ ওপৰলৈ প্ৰায় ৬০০ খন শিলৰ চিৰি খোজকাঢ়ি যাব লাগে, জোতা চেন্দেল আদি পিন্ধিব নোৱাৰি।

One needs to climb around 600 stone steps on the Bindhyagiri hill to reach the statue.

The steps to be climbed up.

আমি গৈ প্ৰায় ৩ টা মান বজাত পালো। বতৰটো গৰম, যথেষ্ট ৰ'দ দিছে। মোৰ পত্নীয়ে ভক্তিভাবে খালি ভৰিৰে দুখন মান চিৰি বগাই উফ্ উফ্ কৰি উভতি আহিল, শিলত ৰ'দ পৰি চিৰি বিলাক জুইৰ নিচিনা গৰম হৈ আছে।
আমি মোজা পিন্ধি চিৰি বগাব ধৰিলো, ৰ'দৰ পৰা বাচিবলৈ টুপি কিনিলো। ৰ'দটো বৰ প্ৰখৰ, ৰ'দত শিলৰ চিৰি বিলাকৰ পৰাও গৰম আহিছে। আমি ঘামিছো আৰু পানী খাইছো, অলপ দূৰ গৈ এঠাইত জিৰণি ললো।

We reached the place at around 3 pm, started climbing up the stairs wearing socks and hat, due to tremendous heat. We kept sipping water and climbing up the stairs, resting in between.

We rested in between.

ইয়ালৈ যথেষ্ট মানুহ আহে, খোজকাঢ়িব নোৱাৰা মানুহক কঢ়িয়াবলৈ পাল্কীৰ ব্যৱস্থাও আছে। ডিগম্বৰ্ জৈন মানুহ মই ইয়াত প্ৰথম দেখিলো।
এনেদৰে মাজে মাজে ৰৈ আমি পাহাৰ বগাই গৈ ওপৰ পালো।

And finally we reached the top of the hill.

The statue.

পাহাৰৰ ওপৰৰ মূৰ্ত্তি আৰু ইয়াৰ ওচৰৰ ঠাইখিনিৰ পৰিবেশতো যথেষ্ট শান্তিপূৰ্ণ, গা আৰু মনটো যেন শীতল পৰি গ'ল। আমি মূৰ্ত্তিৰ ওচৰে পাজৰে বহুত সময় কটালো।

The environment is very peaceful, we spent quite some time there.

প্ৰতি ১২ বছৰৰ মূৰে মূৰে এই মূৰ্ত্তিটোৰ মহামস্তক অভিশেক্ (Mahamastakabhisheka) জৈন সম্প্ৰদায়ৰ লোক সকলে ধুমধামেৰে পালন কৰে। এই উৎসৱৰ সময়ছোৱাত মূৰ্ত্তিটো পানী, গাখীৰ, হালধি, চন্দন আদিৰে ধুৱাই দিয়া হয়। মূৰ্ত্তিটো বহুত ওখ বাবে চিৰিৰে ওপৰলৈ গৈ বস্তুবোৰ ধালি দিয়া হয়।
মহামস্তক অভিশেক্ এই বছৰৰ ফেব্ৰুৱাৰী মাহতে হৈ গ'ল যদিও এতিয়াও সৰু হিচাবে হৈ আছে, আমিও অলপ দেখিলো।

Mahamastakabhisheka is celebrated here every 12 years, during which the statue is smeared with various things like milk, turmeric paste, rice flour, coconut water, sandalwood, sugarcane juice and 52 varieties of flowers.
Though the main festival was over in February month of this year, still we saw it being performed on a very small scale.

Mahamastakabhisheka is being celebrated.

পাহাৰৰ ওপৰৰ পৰা ওচৰ পাজৰৰ ঠাইবোৰ বহুত দূৰলৈ দেখা পোৱা যায়। আমি শিলত বহি দৃশ্য উপভোগ কৰিলো, ৰ'দ যথেষ্ট কমিছে গতিকে বহি ভাল লাগিল।

We enjoyed the beauty of the nearby places from the top of the hill.

ওচৰ পাজৰৰ দৃশ্য বৰ ধুনীয়া

এনেদৰে অলপ সময় বহাৰ পিচত আমি লাহে লাহে পাহাৰৰ পৰা নামি আহিলো। এখন দোকানত বিভিন্ন ধৰণৰ কাঁচৰ ধুনীয়া খাৰু দেখি মোৰ পত্নীয়ে কিনিলে। পিচত কিবা কিবি খাই আমি বাংগালোৰ অভিমুখে যাত্ৰা কৰিলো।

After spending some nice time on the hill top, we came down, booked a cab and left for Bangalore.

See more photos here.

---