London

aaa

Brighton

Coming soon

Arundel Castle ভ্ৰমণ: England's Majestic Fortress and Its Enchanting Gardens

এয়া ২০১৩ চনৰ জুন মাহ।
বৰ্তমান মই দক্ষিণ ইংলেণ্ডৰ West Sussex ৰ ৱৰ্থিং (Worthing) নামৰ ঠাইত আছো আৰু আজি অৰুণ্ডেল দুৰ্গ (Arundel Castle) ভ্ৰমণ কৰাৰ পৰিকল্পনা কৰিছো।

দক্ষিণ ইংলেণ্ডৰ West Sussex ৰ অৰুণ্ডেল নামৰ এখন চহৰত অৱস্থিত অৰুণ্ডেল দুৰ্গটো প্ৰায় ১০০০ বছৰ পুৰণি, যদিও ইয়াক পিছত বহুবাৰ উন্নীত আৰু পুনৰ নিৰ্মাণ কৰা হৈছিল। অৰুণ্ডেল চহৰৰ পূব দিশৰ মাজেৰে অৰুণ নদী বৈ গৈছে।

মই ৱৰ্থিঙৰ পৰা ৰাজহুৱা পৰিবহণৰ বাছ এখনত উঠিলোঁ, অৰুণ্ডেল পাবলৈ প্ৰায় এঘণ্টা সময় লাগিল।
দূৰৰ পৰাই দুৰ্গটো দেখা যায়।

অৰুণ্ডেল দুৰ্গ আৰু ইয়াৰ চৌপাশ

দুৰ্গটো চাবলৈ প্ৰৱেশ মাচুল দিব লাগে। ইয়াত চাবলৈ বহুত বস্তু আছে। দুৰ্গটো অতি সুন্দৰ, প্ৰাচীন শিল ব্যৱহাৰ কৰি নিৰ্মাণ কৰা হৈছে।

দুৰ্গটোৰ Courtyard

দুৰ্গৰ ভিতৰত ৩০টাতকৈও অধিক অতি সজ্জিত কোঠা আছে — য'ত আছে ৰাজ্যিক হল, ড্ৰয়িং ৰুম, শোৱা কোঠা আৰু এটা সুন্দৰ লাইব্ৰেৰী। ৰজা ৰাণীৰ কোঠাবোৰ চালে চকুৰোৱা, অতি সুন্দৰকৈ সজাই ৰখা হৈছে।।

ইয়াৰ ভিতৰৰ এটা কোঠা

ইয়াৰ এটা ডাঙৰ আকৰ্ষণ হৈছে দুৰ্গৰ চৌহদত অৱস্থিত বহু একৰ বিস্তৃত, ধুনীয়া বাগিচা।

Collector Earl ৰ বাগিচা

বাগিচাৰ অঞ্চলসমূহৰ ভিতৰত আছে Collector Earl ৰ বাগিচা, এখন গোলাপ ফুলৰ বাগিচা, এখন "Stumpery" বাগিচা (ভাস্কৰ্য্যৰ দৰে পুৰণি গছৰ ডালৰ মাজত ৰোপণ কৰা আৰু বন্যপ্ৰাণীক উৎসাহিত কৰাৰ লক্ষ্যৰে), বনৌষধি বাগিচা, ঋতুভিত্তিক উৎপাদিত সামগ্ৰীৰ সৈতে এখন "পাকঘৰ/জৈৱিক বাগিচা" আদি।

টিউলিপ (Tulip) বাগিচাৰ এটা অংশ, Fitzalan Chapel ৰ সন্মুখত।

ইয়াৰ ওচৰতে Fitzalan Chapel অৱস্থিত আৰু ইয়াত যোৱা ৬০০ বছৰ পুৰণি বহু বিখ্যাত ইংৰাজ ব্যক্তিৰ সমাধিস্থল আছে।

সমাধিৰ এটা অংশ

দুৰ্গটো সম্পূৰ্ণৰূপে চাবলৈ যথেষ্ট সময় লাগিল। দুৰ্গৰ পৰা ওলাই অহাৰ পিছত মই অৰুণ্ডেল চহৰখন চাবলৈ সিদ্ধান্ত ল’লোঁ৷
মূল পথটোত অলপ খোজ কাঢ়ি গৈ এটা ধুনীয়া গীৰ্জাঘৰ দেখা পালোঁ, ইয়াৰ নাম Arundel Cathedral.

Arundel Cathedrel

মই গীৰ্জাৰ ভিতৰলৈ সোমাই গ’লোঁ। ভিতৰখন ধুনীয়া, ইয়াত আছে ডাঙৰ ডাঙৰ ৰঙীন কাঁচৰ খিৰিকী (Rose window)। এই খিৰিকীবোৰত বাইবেলৰ ধৰ্মীয় দৃশ্য অঁকা হৈছে।

Arundel Cathedral ত ইংৰাজী বিয়া দেখিলো ।

গীৰ্জাৰ পৰা ওলাই অহাৰ পিছত ঠাই খনৰ সৰু সৰু ওখ চাপৰ ৰাস্তাত খোজ কাঢ়ি কাঢ়ি বহুত ঘুৰিলো ।

তাত সপ্তাহৰ কোনো এটা দিনত, আমাৰ গাঁৱৰ নিচিনা, সাপ্তাহিক বজাৰ বহে, য'ত খেতিয়কে নিজৰ উৎপাদিত সামগ্ৰী বিক্ৰি কৰে, সিহঁতে তাক farmer's market বুলি কয়।

Farmer's market ৰ এখন সৰু দোকান

মই যোৱাৰ দিনা বজাৰ বহাত, মই বজাৰখন ইফালে সিফালে ঘূৰি চালোঁ আৰু তাৰ পৰা কিবা কিবি ফল মূল কিনিলো।

বজাৰৰ পৰা মই এয়া কিনিলো, আমাৰ বগৰীৰ নিচিনা

চহৰখন আৰু অলপ ফুৰাৰ পিছত, আন্ধাৰ হোৱাৰ আগতেই মই ৱৰ্থিংঅলৈ উভতি আহিলোঁ৷

ইংলেন্ডৰ গাওঁৰ অবিস্মৰণীয় অভিজ্ঞতা: The Allure of an English Village

ইংলেন্ডৰ এখন সৰু ঠাইত হোৱা মোৰ বিভিন্ন ধৰণৰ অভিজ্ঞতাৰ ওপৰত মই ইয়াত লিখিছো।
অফিচৰ কামৰ সূ্ত্ৰে মই Worthing নামৰ দক্ষিণ ইংলেন্ডত অৱস্থিত এখন ঠাইলৈ গৈ থাকিব লগা হৈছিল, বহু বছৰ, বহু বাৰ। এই ঠাইখনত দেখা শুনা বস্তুবিলাক মই ইয়াত সৰু সৰু আকাৰত লিখিছো।

১. আৰম্ভণি
২. ঠাইখনৰ ঘৰবিলাক
৩. সাগৰৰ পাৰ
৪. পৰিবহন ব্যবস্থা
৫. তাৰ ৰাস্তা ঘাটবিলাক
৬. তাৰ মানুহৰ খাদ্য
৭. বতৰ
৮. দোকান পোহাৰ
৯. তাৰ মানুহৰ জীৱন-শৈলী
১০.ওচৰ পাজৰৰ ঠাইবোৰ
১১.সামৰণি

Timeless Treasures: London অৰ Natural History Museum ভ্ৰমণ

Photo by DAVID ILIFF. License: CC BY-SA 3.0

মূল লেখাটো ইয়াত পঢ়ক

৩ আগস্ট, ২০১৩ ।
লন্ডনৰ পৰা প্ৰায় ৪ কি.মি. মান দূৰত অৱস্থিত, এইটো এটা পৃথিৱী বিখ্যাত সংগ্ৰহালয়।
ইয়াত প্ৰায় ৮০ লাখ বিভিন্ন ধৰণৰ বস্তু সংগ্ৰহ কৰি থোৱা আছে। ইয়াত চাবলৈ বহুত বস্তু আছে - বিভিন্ন প্ৰজাতিৰ চৰাই, জন্তু, পখিলা, উদ্ভিদ, minerals, gemstones and rocks, Whales, Arts, Dinosaurs gallery, Mammals, Fossils, Volcanos, Meteorites ... আদি। চাই থাকিলে শেষেই নহয়, ভালদৰে চাবলৈ হ'লে দুদিন মান লাগে।

Building টো দেখিবলৈ বৰ মনোমোহা, বাহিৰ আৰু ভিতৰ খন architectural terracotta tiles এৰে নিৰ্মিত।

ডাইনোছৰৰ কংকাল আৰু প্ৰতিৰূপ:
প্ৰদৰ্শনীসমূহৰ ভিতৰত অন্যতম বিখ্যাত আৰু আটাইতকৈ বিশিষ্ট প্ৰতিৰূপ হʼল Diplodocus কংকালৰ ১০৫ ফুট (৩২ মিটাৰ) দীঘল প্ৰতিৰূপ (nicknamed "Dippy")। ইয়াত diplodocus ৰ ওপৰিও আন নানা ধৰণৰ বিশাল ডাইনোছৰৰ কংকালৰ কাল্পনিক অবয়ব চাব আৰু এই প্ৰাচীন দৈত্যবোৰৰ বিষয়ে জানিব পাৰি।

Diplodocus কংকালৰ প্ৰতিৰূপ

বন্যপ্ৰাণীৰ প্ৰদৰ্শনীসমূহ:
ইয়াত ক্ষুদ্ৰ পোক-পৰুৱাৰ পৰা আৰম্ভ কৰি বিশাল শক্তিশালী স্তন্যপায়ী প্ৰাণীলৈকে, বিশ্বৰ বিভিন্ন প্ৰান্তৰ জীৱ-জন্তুৰ জীৱন্ত প্ৰদৰ্শন দেখা পোৱা যায়।

Bird Gallery ৰ এটা অংশ, ইয়াত ক্ষুদ্ৰ hummingbird পৰা আৰম্ভ কৰি বিশাল elephant bird লৈকে বিভিন্ন চৰাইৰ মূৰ্তি, ইয়াৰ কণী আৰু বাহ আছে।

Mammal Gallery ৰ এটা অংশ। চিলিঙৰ পৰা ওলমি থকা আকৰ্ষণীয় blue whale ৰ অবিশ্বাস্য কংকাল দেখি আচৰিত হ'ব!

Earth Galleries:
ইয়াত পৃথিৱীৰ ইতিহাস, শিল, খনিজ পদাৰ্থ, আনকি ভূমিকম্পৰ বিষয়েও জানিব পাৰি।
বিভিন্ন ধৰণৰ Metals, Minerals আৰু Gemstones প্ৰকৃতিত কি আকাৰত পোৱা যায় আৰু মানুহে তাৰ পৰা কি ধৰণৰ সামগ্ৰী প্ৰ্স্তুত কৰে ভালদৰে দেখুওৱা হৈছে।

Earth's Treasury gallery ৰ এটা অংশ। Samples of Metals, Minerals and Gemstones like gold, diamond, sapphire, opal, quartz, zircon, ruby and emerald in natural form and man-made form.

Aurora Pyramid of Hope: A stunning array of 296 naturally coloured diamonds which glows under ultraviolet light.

ইয়াত কিছুমান দোকানো আছে য'ত ভাল ভাল বস্তু পোৱা যায়।

Gem stones on sale

ইয়াত চাবলৈ ইমান আছে যে চাই থাকিলে শেষেই নহয়, ভালদৰে চাবলৈ হ'লে দুদিন মান লাগে।
মই ৰতিপুৱাৰ পৰা সন্ধিয়ালৈকে চালো, পিচে শেষ নোহোৱাত গুচি আহিব লগা হ'ল, কিয়নো মোৰ আন মিউ্জিয়াম চোৱাৰও plan আছে।।
মই ওচৰতে থকা Science Museum অলৈ খোজ দিলো।

পৃথিবীৰ আটাইতকৈ ডাঙৰ কলেজৰ Chapel চালো

মূল লেখাটো ইয়াত পঢ়ক

পাহাৰৰ ওপৰত অৱস্থিত এটা বৃহৎ অট্টালিকা সদৃশ ঘৰ। বাচ বা ট্ৰেইনেৰে অহা যোৱা কৰোতে দেখি দেখি মনত সেইটো চোৱাৰ হেপাহ জাগিছে যদিও সময় আৰু সুবিধা হোৱা নাই।

The Chapel seen from a distance

১৮ আগষ্ট ২০১৩, Worthing, ইংলেন্ড। আজি সেই অট্টালিকাটো চাবলৈ যাব ওলাইছো। ৰাতিপুৱাৰ পৰাই কিনকিনিয়া বৰষুণ। মই বাচত উঠিলো, কিন্তু কোনতো বাচ ষ্টপত নামিব লাগিব নাজানো, সুধিবলৈ বাচত এজনো মানুহ নাই। গৈ থাকোতে বাচত দূৰৰ পৰাই অট্টালিকাটো দেখা পোৱা যায়, সেয়েহে অনুমানতে এটা বাচ ষ্টপত নামি দিলো আৰু সেই ফালে যোৱা ৰাস্তাত খোজ দিলো।

Started walking towards the Chapel, from Shoreham-by-Sea

ধুনীয়া গছ-গছনিৰ মাজে মাজে ৰাস্তা, ৰাস্তাৰ কাষে কাষে BlackBerry গছত ফল লাগিছে।

The place is beautiful, river Adur flows thru it before getting merged in the English Channel

গৈ গৈ Shoreham Airport অৰ ওচৰ পালো, এইটো UK ৰ আটাইতকৈ পুৰণি বিমানবন্দৰ কিন্তু এতিয়া মাত্ৰ light aeroplane আৰু flying school বিলাকৰ বাবেহে ব্যৱহাৰ কৰা হয়। অলপ ৰৈ বাহিৰৰ পৰাই সৰু সৰু aeroplane বিলাক চালো।

বিমানবন্দৰ বাহিৰৰ পৰাই চালো

বিমানবন্দৰ পাৰ হৈ অট্টালিকাটো থকা পাহাৰটোত খোজ কাঢ়িব ধৰিলো। ৰাস্তা ধুনীয়া আৰু খালি, কোনো মানুহ বা গাড়ী অহা যোৱা কৰা নাই।

The road on the hill is nice, I started walking and enjoying the environment

মই অকলে ৰাস্তাত খোজ কাঢ়ি গৈ আছো। কেতিয়াবা অলপ জংগলৰ দৰে ঠাই পাওঁ, কেতিয়াবা বহুত পুৰণি দিনৰ ঘৰ পাও, কেতিয়াবা আকৌ মূকলি পথাৰ দূৰ দূৰলৈ দেখা পায়।

A farm house, on the way

এনেদৰে খোজ কাঢ়ি গৈ গৈ পাহাৰৰ ওপৰৰ অট্টালিকাটো পালো, তেতিয়াহে বুজিলো যে এইটো ইয়াৰ Lancing কলেজৰ Chapel (গীৰ্জা ঘৰৰ এটা ভাগ), এটা ৯০ ফুট্ ওখ মনোমোহা ভৱন।

The Chapel

Chapel টোৰ ভিতৰখিনি চাবলৈ বৰ মনোমোহা, প্ৰাৰ্থনা কৰা ঠাইখিনি ধুনীয়াকে চাফ চিকুনকৈ চকি পাৰি ৰখা হৈছে। তাত ৩ টা ডাঙৰ organ আছে য'ত সিহতৰ ধৰ্মীয় সংগীত বজোৱা হয়।

The interior of the Chapel is beautiful and pleasing

Organ কেইটাৰ ওপৰত এখন ৩২ ফুট ব্যাস (diameter) অৰ ঘূৰণীয়া খিৰিকী আছে, এইখনক Rose window বুলি কয়। এইখন সিহতৰ ধৰ্মৰ লগত জড়িত চিত্ৰৰ ৩০ হাজাৰ ৰঙীন কাঁচৰ টুকুৰাৰে নিৰ্মিত, ইংলন্ডৰ ভিতৰতে আটাইতকৈ ডাঙৰ।

The Rose Window

Chapel অৰ বাহিৰলৈ ওলাই আহি ওচৰতে ইফালে সিফালে ঘূৰিলো, বহু দূৰলৈ দেখা যায়, ভাল লাগিল।

The nearby area is stunningly beautiful, air is fresh and pure

ওচৰতে কলেজখনৰ ঘৰ কিছুমান আছে, বাহিৰৰ পৰাই চালো।

Saw a beautiful bird made out of wire, on the roof of a nearby house

এনেদৰে ঘূৰিপকি লাহে লাহে পাহাৰৰ পৰা খোজকাঢ়ি নামি আহিলো, বহুত খোজ কঢ়া হ'ল যদিও ভাল লাগিল।

See more photos here.

---

মহাবলিপুৰম্ ভ্ৰমণৰ অভিজ্ঞতা

২০০৬ চনৰ ডিচেম্বৰ্ মাহ, আমি মহাবলিপুৰম্ চাবলৈ আহিছো, চেন্নাইৰ পৰা।
মহাবলিপুৰম্ তামিলনাডুৰ চেন্নাইৰ পৰা প্ৰায় ৫৬ কি.মি. দূৰত থকা এখন চহৰ, UNESCO World Heritage Site ৰ বাবে বিখ্যাত।

আমি গাড়ীৰ পৰা নামি প্ৰথমতে Shore temple ললৈ গলো। Shore temple সাগৰৰ পাৰত অৱস্থিত, গ্ৰেনাইট্ শিলেৰে নিৰ্মিত, ইয়াত তিনিটা মন্দিৰ আছে। মূখ্য মন্দিৰটো পাঁচ মহলীয়া, ভগৱান শিৱৰ মন্দিৰ। তেনেদৰে সৰু তৃতীয় মন্দিৰটোওঁ। দ্বিতীয় মন্দিৰটো ভগৱান বিষ্ণুৰ। এই মন্দিৰকেইটা দক্ষিণ ভাৰতৰ আটাইতকৈ পুৰণি মন্দিৰ বিলাকৰ ভিতৰত অন্যতম।

Shore Temple

মন্দিৰৰ বেৰবোৰত নন্দীৰ মূৰ্তি আছে

Shore temple ৰ পৰা আহি আমি সাগৰৰ পাৰত অলপ ফুৰিলো, পিচত গা ও ধুলো। সাগৰৰ পাৰবোৰ চঁফা, কোমল বালিৰ, বৰ ভাল লাগিল।

সাগৰৰ পাৰ

গা ধুলো

আমি কিবা খাই লৈ Descent of the Ganges চাব আহিলো। ইয়াত পুৰণি দিনৰ কাহিনী দুটা প্ৰকান্ড শিলত কাটি কাটি বনাই থোৱা আছে, ভাগীৰথে পৃথিৱীলৈ গংগা নমাই অনাৰ কাহিনী।

শিলত কাটি কাটি বনাই থোৱা পুৰণি দিনৰ আখ্যান

২৫০ টন্ ওজনৰ কৃষ্ণৰ Butterball

তাৰ পৰা আমি পঞ্চ ৰথ (Pancha Rathas) চাব গলো। ইয়াত পাঁচটা মন্দিৰ আছে, প্ৰতিটোৱেই দেখিব একোখন ৰথৰ নিচিনা, প্ৰতিটো এটা এটা শিলৰ পৰা কাটি কাটি উলিওৱা। এইকেইটাক পাঁচ পান্ডৱ আৰু দ্ৰোপদীৰ নাম দিয়া হৈছে।

পঞ্চ ৰথ

ধৰ্মৰাজ ৰথ, ওচৰৰ পৰা

ইতিমধ্যে সন্ধিয়া হ'বৰ হ'ল, আমিও চেন্নাই অভিমুখে যাত্ৰা কৰিলো।